TWENDE TOLEO LA 1, 2019 Linapatikana

 Siku moja nilisafiri kutoka Iringa kwenda Arusha. Wakati fulani tairi la nyuma lilipasuka, na gari likaanza kuyumba kama linataka kuanguka. Wengi tuliogopa sana, kwa sababu pembeni kwa barabara kulikuwa na bonde la mto mkubwa unaoitwa Ruaha. 

Wakati sisi tunapiga kelele za woga, nilisikia mama mmoja aliyeketi nyuma yangu akiita kwa nguvu, “Eeh Yesu, tusaidie!” Kisha akaendelea na kuomba. 

Gari likaenda kwa mwendo mkali kwa muda, lakini hatimaye dereva akafaulu kulidhibiti na kulisimamisha. Tukashuka sote salama. Tairi likabadilishwa na tukaendelea na safari. Lakini safari ilichukua siku mbili badala ya moja. 

Tukio hili lilinifundisha juu ya kumtegemea Mungu na kumwendea kwa njia ya maombi. Yesu anaweza kutuokoa katika jambo lolote tunalokutana nalo hapa duniani. Na ni Yesu peke yake awezaye kutufikisha mbinguni. 

Karibu usome gazeti hili linalofafanua kuhusu safari yetu ya kwenda mbinguni.